Millimiz 2-ci oyununda da uduzdu

Azərbaycan yığması Dauqavpils şəhərində 18 yaşadək voleybolçu qızlar arasında şərqi Avropa zona assosiasiyasının (EEVZA) çempionatında növbəti oyununu keçirib.

Allsport.az xəbər verir ki, millimiz 2-ci matçında Ukrayna ilə qarşılaşıb.

Hər üç set rəqib komandanın qələbəsi ilə yekunlaşıb. Şahin Çatmanın rəhbərlik etdiyi kollektiv ən yaxşı halda 13 top qazana bilib.

Azərbaycan – Ukrayna – 0:3 (9:25, 8:25, 13:25)

İlk matçda Latviyaya uduzan komandamız növbəti oyununu sabah Estoniyaya qarşı keçirəcək.