Millimiz İstanbulda hazırlığa başladı

Qadın voleybolçulardan ibarət millimiz Türkiyədə təlim-məşq toplanışına start verib.

Allsport.az xəbər verir ki, komandamız Bakı hazırlığından sonra çalışmaları İstanbulda davam etdirir. Yığmamız bu gün “Fənərbağça” ilə yoxlama matçına çıxacaq. Bu, millinin Vasif Talıbovun rəhbərliyində ilk matçı olacaq.

Olimpiya lisenziyalı yarışa hazırlaşan millimiz son toplanışı Polşada keçəcək və ordan Avropa olimpiya təsnifat turniri üçün Niderlanda yollanacaq.