Millimizi biabır edən baş məşqçi Robert Prosineçkinin təyinatından danışdı

Futbol üzrə Xorvatiya yığmasının baş məşqçisi Niko Kovaç Robert Prosineçkinin Azərbaycan millisinin sükanı arxasına keçməsinə münasibət bildirib. Allsport.az xəbər verir ki, o, yerli mətbuata açıqlamasında bunları söyləyib:

“Prosineçkinin təyinatına çox sevindim. O, öz komandasına yeni ideyalar gətirə biləcək. Ona yeni komandası ilə xallar toplamağı arzulayıram. Eyni zamanda da öz komandama”.

Xatırladaq ki, Xorvatiya yığması AÇ-2016-nın seçmə mərhələsi çərçivəsində Azərbaycan millisinin rəqibidir. Bu komanda doğma meydanda keçirdiyi Azərbaycanla oyunda 6:0 hesablı qələbə qazanmış, nəticədə Berti Foqtsun istefasına səbəb olmuşdu.