Millimizin İsveçrəyə 6 qolu məğlubiyyətdən qaçmasına yetməyib

Çimərlik futbolu üzrə FIFA Dünya Kuboku-2017 turnirinin Avropa komandaları arasında seçməsinin 2-ci mərhələsində Azərbaycan millisi 2-ci oyununu keçirib. Allsport.az saytı xəbər verir ki, İtaliyanın Yezolo şəhərində təşkil olunan yarışda komandamız İsveçrə yığmasına 6:7 hesabı ilə məğlub olub.

Komandamızın heyətində Asif Zeynalov dubl edib. Hərəyə 1 dəfə Amid Nəzərov, İlkin Hacıyev, Sabir Allahquliyev və Renat Sultanov fərqləniblər.

Millimiz növbəti oyununu sentyabrın 9-da Türkiyə kollektivinə qarşı keçirəcək. Qarşılaşma Bakı vaxtı ilə saat 14:45-də başlayacaq.