Mourinyo Ronaldu transferi haqda danışıb

“Fənərbağça”nın baş məşqçisi Joze Mourinyo açıqlama verib.

Allsport.az xəbər verir ki, portuqaliyalı mütəxəssis Türkiyə klubunun “Əl-Nəsr”in hücumçusu Kriştianu Ronaldu ilə maraqlanmasına münasibət bildirib:

“Kriştianu İstanbula yemək yeməyə gələ bilər, çünki bura Səudiyyə Ərəbistanı ilə Portuqaliyanın ortasındadır. Ronaldo şəxsi təyyarəsinə minərək köhnə dostu Joze Mourinyonu ziyarət etməyə də gələ bilər.

Onun “Fənərbağça”aya keçəcək deyənlərə gəlincə, onlar ya yazdıqlarını başa düşmürlər, ya da yaydıqları gülünc xəbərlərdən həzz alırlar”.

Daha əvvəl Türkiyə mətbuatında Mourinyonun Ronalduya şəxsən zəng edərək onu “Fənərbağça”ya dəvət etməsi ilə bağlı məlumatlar yayılmışdı.