Murad Fətiyev 3-cü oldu

Azərbaycanın daha bir cüdoçusu Avstraliyanın Pert şəhərində Okeaniya açıq turnirində medal qazanıb. Allsport.az xəbər verir ki, beynəlxalq yarışın ikinci günü Murad Fətiyev bürünc medala sahib olub. 81 kq-da 20 yaşlı idmançı bürünc medal uğrunda görüşdə İtaliya təmsilçisi Andrea Reqisə qalib gəlib.

Avstraliyada 66 ölkədən 310 cüdoçu mübarizə aparıb. Azərbaycan beynəlxalq yarışda 9 cüdoçu ilə təmsil olunur. Turnirin ilk günü Nicat Şıxəlizadə gümüş medal qazanıb. Yarış Tokio-2020 yay olimpiya oyunlarına lisenziya xarakteri daşıyır.