“Zirvə Astara” “Neftçi”ni məğlub etdi

5 mart tarixində Astara olimpiya idman kompleksində 20 -ci turun son oyunu keçirilib.

Allsport.az xəbər verir ki, “Zirvə Astara” komandası doğma divarlar arasında “Neftçi” basketbolçularını qəbul edib. Oyuna üstün başlayan astaralılar sonradan üstünlüyü əldən versələr də, Zaur Paşayevin 4-cü dövrədəki inamlı oyunu sayəsində 89-81 hesablı qələbəyə sevindilər. Ən məhsuldar basketbolçular: “Zirvə Astara” ( Zaur Paşayev – 24 xal,7 götürmə), “Neftçi” ( Mohsen Moradxani – 25 xal, 10 götürmə).