Nicat Abbasov 1/2 finalda!

Bakıda şahmat üzrə dünya kubokunda 1/4 finalın cavab görüşləri keçirilib. Allsport.az saytı xəbər verir ki, ilk oyunda Hindistan təmsilçisi Vidit Santoşla heç-heçə oynayan Nicat Abbasov, bu gün 2-ci partiyada inamlı qələbə qazanıb.

O bu yarışda yarımfinala vəsiqə qazanan 2-ci azərbaycanlı şahmatçı olub. Buna qədər 2019-cu ildə şahmatçımız Teymur Rəcəbov ilk dəfə yarımfinalda iştirak edib və həmin il turnirin qalibi olub.