Onur Quluzadə Tunisə yollanıb

Stolüstü tennisçi Onur Quluzadə ilin ilk beynəlxalq yarışlarına qatılacaq. Allsport.az xəbər verir ki, seçmə komandanın üzvü, baş məşqçi Mixail Timofeyevin rəhbərliyi ilə Tunisə yola düşüb. Quluzadə, fevralın 2-dən 5-dək Tunisin eyni adlı paytaxtında keçiriləcək “WTT Youth Contender Tunis 2026”, fevralın 6-dan 8-dək isə “WTT Youth Star Contender Tunis 2026” yarışlarında bacarığını göstərəcək. Onur Quluzadə bundan əvvəl istirak etdiyi analoji turnirlərin dəfələrlə qalibi və mükafatçısı olub.