Paytaxt birinciliyinin bütün qalibləri məlum olub

Hövsanda yerləşən FHN idman kompleksində keçirilən U-21 gənclər arasında cüdo üzrə Bakı şəhər açıq birinciliyinə yekun vurulub. Allsport.az xəbər verir ki, turnirin sonuncu günündə 8 çəki dərəcəsində mübarizə aparan cüdoçular arasında paytaxt birinciliyinin qalibləri müəyyənləşib.

Əmrah Səlimli (60 kq), Elcan Şəfiyev (73 kq), Kamran Novruzov (90 kq), Kənan Nəsibov (+100 kq) oğlanların mübarizəsində bütün rəqiblərinə qalib gələrək çempion olublar.

Qızların yarışında qalib gələn cüdoçuları təqdim edirik:

-48 kq Kərimova Vüsalə
-57 kq Hacızadə Vüsalə
-70 kq Cavadova Rahidə
+78 kq Hacıverdiyeva Firuzə

2 gün davam edən Bakı şəhər açıq birinciliyində 25 klubdan 217 gənc cüdoçu medallar uğrunda mübarizə aparıb.