“Postsovet ölkələri arasında ardıcıl 10-cu dəfə qrup mərhələsinə düşmək böyük və nadir hadisədir”

“Qarabağ” Avropa liqasının pley-ofunda evdə Sloveniyanın “Olimpiya” klubu ilə 1:1 oynadı. Allsport.az saytı xəbər verir ki, Lüblyanada ilk matçda “köhlən atlar” 2:0 qalıb gəldiyindən, mərhələ adlayan tərəf bizimkilər oldu. Bakıda görüşdən sonra brifinqdə Ağdam komandasının prezidenti Tahir Gözəl bunu söylədi:

“Postsovet ölkələri arasında ardıcıl 10-cu dəfə qrup mərhələsinə düşmək böyük və nadir hadisədir. Matçdan razı qaldım. Ehtiyatlı, səliqəli oynadıq.

Bizə əsas mərhələ adlamaq lazım idi. “Qarabağ” Azərbaycanın ruhudur. Qrupda hansı rəqibin olmasının fərqi yoxdur – “Liverpul” və ya “Roma” olsun, biz istənilən rəqibi qarşılamağa hazırıq”.