Qurban Qurbanov: “Bu gün dediklərimin canlı şahidi olduq”

“Qarabağ”ın baş məşqçisi Qurban Qurbanov Topaz Premyer Liqasının 22-ci turu çərçivəsində “Simurq”a qarşı keçirdikləri oyunu şərh edib. Allsport.az xəbər verir ki, Ağdam klubunun çalışdırıcısı 1:0 hesabıyla bitən qarşılaşmadan sonra bunları söyləyib:

“Yaxşı komandaya qarşı oynayırdıq. Qış fasiləsindən sonra “Simurq” çox yaxşı təsir bağışlayır. Bu komandaya qarşı oynamaq çox çətindir. Bu gün dediklərimin canlı şahidi olduq. Çox çalışdıq. Qalib gəldiyimiz üçün şadam. Azərkeşləri təbrik edirəm”.