Rəcəbov Aronyanla heç-heçə etdi

“Champions Chess Tour” çərçivəsində “Opera Euro Rapid” turnirinin ilkin mərhələsi davam edir. Allsport.az xəbər verir ki, Teymur Rəcəbov turun üçüncü mərhələsində Ermənistan təmsilçisi Levon Aronyanla qarşılaşıb.

Görüş heç-heçə yekunlaşıb – 0.5:0.5. Teymur Rəcəbov eyni zamanda, Din Liren (Çin), Maqnus Karlsen (Norveç), Maksim Vaşye-Laqrav (Fransa) və Uesli So (ABŞ) ilə də heç-heçə edib.  Seçmə mərhələni 8 xalla 7-ci pillədə başa vuran şahmatçımız 1/4 finala yüksəlib.

Teymur Rəcəbov çempionlar rurunun ikinci mərhələsində “Airthings Masters” yarışının finalında Levon Aronyanı məğlub edərək çempion olub.