Rauf Məmmədov qitə çempionatında zirvəni ələ keçirdi

İslandiya paytaxtı Reykyavikdə kişilərin Avropa çempionatının 6-cı turunda Rauf Məmmədov (2654) 1-ci lövhədə qara fiqurlarla fransalı Maksim Laqardı 48-ci gedişdə məğlub edib.

Allsport.az saytı xəbər verir ki, Nicat Məmmədov (2595) çex David Navara (2675), Nicat Abbasov (2656) macarıstanlı Viktor Erdos (2614), Riad Səmədov (2360) digər dunaylı Adam Kozakla (2504) xalı yarıya bölüblər.

Ötən tur üzülən Aydın Süleymanlı (2536) bu dəfə qalib gəlib. O, ağlarla almaniyalı Stefan Fruebenqi (2405) üstələyib.

3-qat qitə çempionumuz hesabında 4,5 xalla zirvəni ələ keçirib.