Ruslan Qurbanov Xorvatiya klubu ilə müqavilə imzaladı

“Neftçi”nin və Azərbaycan yığma komandasının futbolçusu Ruslan Qurbanov Xorvatiyanın “Hayduk” (Split) klubu ilə müqavilə imzalayıb. Allsport.az xəbər verir ki, Xorvatiya təmsilçisi “Neftçi”yə ünvanladığı rəsmi müraciətdə Ruslan Qurbanovun xidmətində maraqlı olduğunu bildirib.

İki klub arasında danışıqlar müsbət nəticələnib və əldə olunmuş razılığa əsasən gənc hücumçu mövsümün sonuna kimi icarə əsasında “Hayduk”un formasını geyinəcək.