Sadıq Sadıqov cüdo federasiyasında postundan getdi

Azərbaycan cüdo federasiyasının rəhbərliyində dəyişiklik olub.

Allsport.az xəbər verir ki, bu gün ACF-nin hesabat-seçki konfransında yeni prezidentlə yanaşı, yeni vitse-prezidentlər və icraiyyə komitəsi də müəyyənləşib.

Qurumun vitse-prezidenti, “Neftçi” idman klubunun rəhbəri Sadıq Sadıqov və Mikayıl İsmayılov vitse-prezidentliyə namizədliyini irəli sürməyiblər. Onların yerinə federasiyada eyni vəzifəni bundan sonra Rövşən Rüstəmov tutacaq. Olimpiya çempionu Elnur Məmmədli isə vitse-prezident kimi işini davam etdirəcək.

Səsvermənin nəticəsinə əsasən Ağayar Axundzadə, Raqif Abbasov, Asif Əsgərov, Nazim Hüseynov, Azər Əsgərov və kişi millimizin sabiq baş məşqçisi Elxan Məmmədov icraiyyə komitəsinin üzvləri seçilib.

Bu gün keçirilən konfransda rəqəmsal inkişaf və nəqliyyat naziri Rəşad Nəbiyev ACF-nin prezidenti seçilib. O bu postda Rövnəq Abdullayevi əvəzləyib.