“Şah” Kramniki pərt etdi – dünya çempionu mətbuatla görüşə deyil, birbaşa otelə yollandı

Vüqar Həşimovun xatirəsinə həsr olunan ShamkirChess-2015 super turnirində 5-ci tur sabiq dünya çempionu Vladimir Kramnikin məğlubiyyətiylə başa çatdı.

Allsport.az saytı xəbər verir ki,  Synergy Group-un təşkilatçılığı ilə keçirilən yarışın hesabat turunda azərbaycanlı şahmatçı Şəhriyar Məmmədyarov ağ fiqurlarla inamlı qələbə qazanıb. 6 saat 35 dəqiqə davam edən görüşün sonunda rusiyalı qrossmeyster məğlubiyyətlə razılaşıb.

Qeyd edək ki, Vladimir Kramnik uduzduqdan sonra mətbuat konfransına gəlməyib. Rusiyalı dünya çempionu Heydər Əliyev Mərkəzindən birbaşa mehmanxanaya yollanıb. Mətbuat konfransında yalnız Şəhriyar Məmmədyarov iştirak edib.