“Şah” Veyk-an-Zey superturnirində 4-cü qələbəsi ilə liderliyini bir qədər də möhkəmləndirdi

Niderlandın Veyk-an-Zey şəhərində şahmatçıların superturnirdə Şəhriyar Məmmədyarov (2804) uğurlu çıxışını davam etdirir.

Allsport.az saytı xəbər verir ki, həmyerlimiz 7-ci turda ağ fiqurlarla Çin təmsilçisi Vey Yini (2743) 3o-cu gedişdə təslim edib.

Bu qələbə sayəsində qrossmeysterimiz 5,5 xalla yarış cədvəlində şəriksiz öncüllüyünü sürdürür. Onun yaxın izləyiciləri Vladimir Kramnik (Rusiya; 2787), Uesli Sono (ABŞ; 2792) və Aniş Girinin (Niderland; 2752) 4,5 xalları var.