“Şah”ın rəqibləri bilindi

4-14 mayda Rumıniya paytaxtı Buxarestdə “Böyük şahmat turu”nun ilk mərhələsi olan “Superbet klassik şahmat” turniri keçiriləcək.

Allsport.az saytı xəbər verir ki, bu sınaqda Şəhriyar Məmmədyarovla yanaşı, Əlirza Firuzca, Maksim Vaşye-Laqrav (hər ikisi – Fransa), ABŞ təmsilçiləri Levon Aronyan, Fabiano Karuana, Uesli So, Leyner Dominges, Yan Nepomnyaşi (FİE), macarıstanlı Riçard Rapport və Boqdan Daneel-Dyak (Rumıniya) mübarizə aparacaqlar.

Dairəvi sistem üzrə yarışın ümumi mükafat fondu 350 min ABŞ dolları təşkil edir. Ötən il eyni turnirdə “Şah” qalib adını qazanıb.