Şahmat üzrə ölkə çempionatının mükafatçıları

Qadın şahmatçıların Azərbaycan çempionatına yekun vurulub. Allsport.az saytı xəbər verir ki, yarışın lideri Gövhər Beydullayeva hesabat turunda Xəyallə Abdullanı məğlub etməklə 5 xal toplayıb və karyerasında ilk dəfə 1-ci yer tutub.

Turnirin sürpriz iştirakçısı Ləman Hacıyeva bu dəfə ağ fiqurlarla Türkan Məmmədyarovanı üstələyib, 4,5 xalla karyerasında ilk dəfə çempionatın mükafatçısı olub.

Ülviyyə Fətəliyeva qara fiqurlarla Xanım Balacayevanı məğlub edib, 4 xal ilə yarışı 3-cü pillədə başa vurub.

Son turda Ayan Allahverdiyevanı üstələyən ötən ilin çempionu Gülnar Məmmədova bu dəfə yarışda 4-cü olub.

Dairəvi sistem üzrə yeddi turdan ibarət çempionatın mükafat fondu 11 400 manat təşkil edib. Qalib 4000 manat pul mükafatı əldə edib.