Şahmatçılarımız dünya kubokunda mübarizəyə başladılar

Soçidə şahmat üzrə dünya kuboku start götürüb. Allsport.az xəbər verir ki, Vasif Durarbəyli 1/128 finalda Finlandiyanı təmsil edən Dmitri Sklyarovla heç-heçə edib.

Şəhriyar Məmmədyarov və Nicat Abasov 1/64 final mərhələsindən mübarizəyə başlayacaqlar.

Türkan Məmmədyarova 1/64 finalda kubalı Tereza Ordaz Valdez ilə heç-heçə edib, Gülnar Məmmədova estoniyalı Mai Narvaya qalib gəlib, Ülviyyə Fətəliyeva isə hindistanlı Raut Padminiyə uduzub.

Günay Məmmədzadə isə mübarizəyə 1/32 final mərhələsindən qoşulacaq.

Dünya kuboku iddiaçılar turnirinə vəsiqə xarakteri daşıyır.