Şahmatçılarımız olimpiada çempionluğuna doğru

Türkiyənin Çorum şəhərində 16 yaşlılar arasında təşkil edilən şahmat olimpiadasının səkkizinci turunun oyunları keçiriləcək. Allsport.az xəbər verir ki, olimpiadada ölkəmizi təmsil edən 16 yaşadək şahmatçılardan ibarət əsas yığmamız – “Azərbaycan” komandası Ukrayna idmançıları ilə qarşılaşacaq. “Azərbaycan-Naxçıvan” komandası isə Honkonq şahmatçıları ilə mübarizə aparacaqlar.

“Azərbaycan” komandası ötən turda Yunanıstan yığmasını 2,5:1,5 hesabı ilə məğlub edərək liderliyə yüksəlib. İkinci və üçüncü yerlərdə Qazaxıstan və Özbəkistan yığmaları qərarlaşıblar.