Sergey Karyakin: Azərbaycan mənə düşərli ölkədir

«Azərbaycanda özümü hər zaman yaxşı hiss etmişəm. Ötən il Bakıda keçirilən dünya kuboku yüksək səviyyədə keçdi». Allsport.az saytı xəbər verir ki, bunu mərhum şahmatçımız Vüqar Həşimovun xatirəsinə keçirilən “Shamkir Chess-2016”-nın açılışına həsr edilən mətbuat konfransında Sergey Karyakin dedi.

Rusiyalı şahmatçı bildirdi ki, bu yarışda uğurlu çıxış edib dünya çempionu Maqnus Karlsenlə görüşə yüksək ovqatda yollanmaq istəyir: «Dünya kubokunda uğurlu nəticə göstərdim. İndi mənim şahmat tacına yiyələnməyə yaxşı imkanım yaranıb. Düşən fürsətdən maksimum yararlanmağa çalışacağam».