“Shamkir Chess-2018” superturnirinə 2 dünya çempionu qatılacaq

Azərbaycanın məhrum şahmatçısı Vüqar Həşimovun xatirəsinə ənənəvi “Shamkir Chess” superturnirinin iştirakçıları müəyyənləşib. Allsport.az saytı xəbər verir ki, yarış 18-28 apreldə keçiriləcək. Ümumilikdə 10 qrossmeysterin qatılacağı sınaq dairəvi sistem üzrə 9 turdan ibarət olacaq.

“Shamkir Chess-2018”də hazırkı dünya çempionu norveçli Maqnus Karlsen, eks-dünya çempionu rusiyalı Vladimir Kramnik, güclü niderlandlı şahmatçı Aniş Giri, çinli Dinq Liren, bolqarıstanlı Veselin Topalov, daha bir rusiyalı Sergey Karyakin mübarizə aparacaqlar.

Yarışda Azərbaycanı dünya əmsalında 2-ci olan Şəhriyar Məmmədyarov, beynəlxalq qrossmeysterlər Teymur Rəcəbov və Rauf Məmmədov təmsil edəcəklər.

Xatırladaq ki, sonuncu 2 “Shamkir Chess” turnirinin qalibi Şəhriyar Məmmədyarov olub.