Sloveniyada ənənəvi şahmat festivalı keçiriləcək

Yanvarın 30-da Sloveniyada “Chess 20.hit open 2015” ənənəvi şahmat festivalı başlayacaq. Allsport.az xəbər verir ki, turnirdə 10-dan çox ölkənin 120-dən yuxarı şahmatçısı iştirak edəcək.

Nova Qoritsa şəhərinin şahmat klubu tərəfindən təşkil olunan turnir fevralın 5-dək davam edəcək. Turnir İsveçrə sistemi üzrə keçiriləcək.

Qeyd edək ki, Sloveniyanın bu şəhərində bu yerlərdə partizanlıq etmiş Sovet İttifaqı Qəhrəmanı Mehdi Hüseynzadənin xatirəsi ehtiramla anılır.