“Sumqayıt” AzAL-dan oyunçu aldı

Əvəzedicilərin çempionatında növbəti turda doğma arenada AzAL-la qarşılaşcaq “Sumqayıt”ın əvəzedici komandası iki futbolçu ilə güclənib. Allsport.az xəbər verir ki, akademiyanın üzvü 1999-cu il təvəllüdlü Ərziman Rizvanov və son olaraq AzAL-da çıxış etmiş 1994-cü il təvəllüdlü Ruslan Sorokinlə 2 illik müqavilə imzalanıb.

Qeyd edək ki, “Sumqayıt”la AzAL-ın əvəzedici komandaları fevralın 14-də saat 13:00-da “Kapital Bank Arena”da üzə-üzə gələcək.