Tərlan Əhmədov: “Bir səhv həlledici olur”

AZAL-ın baş məşqçisi Tərlan Əhmədov Topaz Premyer Liqasının 3-cü turundan təxirə salınmış “Neftçi”yə qarşı oyunu şərh edib. Allsport.az xəbər verir ki, “təyyarəçilər”in çalışdırıcısı 0:1 hesabıyla bitən qarşılaşmadan sonra bunları söyləyib:

“Açığı, komandanı oyuna yaxşı hazırlamışdıq. Zədəlilərimiz var. Valeri Kutsenkonun yoxluğu hiss olundu. Orta sahədə müəyyən boşluqlar vardı. Belə oyunlarda adətən 1 səhv həlledici olur. Oyunçularıma təşəkkür etdim. Qarşıda çətin oyunlarımız var. Həmin oyunlara hazırlaşmalıyıq. Hakimin bəzi qərarına reaksiya verdim. Bunu emosiya kimi qəbul etmək lazımdır”.