Taekvondo millimiz dünya kubokuna 2 qələbə ilə başladı

Meksika paytaxtı Mexikoda taekvondoçuların dünya kuboku start götürüb. Allsport.az saytı xəbər verir ki, “A” qrupunda yer alan millimiz ilk qarşılaşmada belçikalı həmkarlarını 57:31, Özbəkistan komandasını 31:11 hesabları ilə qalib gəlib. Azərbaycan seçməsi qrupda son görüşdə bizim kimi 2 matçda qalib gələn İran kollektivi ilə üz-üzə gələcək.

Dünya Taekvondo Federasiyası təşkil etdiyi yarışda ATF-in vitse-prezidenti Niyaməddin Paşayevin rəhbərliyi ilə baş məşqçi Rza Mehmandostun və böyük məşqçi Elnur Amanov komandasından Milad Beigi Harçeqani, Səid Quliyev, Ayxan Tağızadə, Sina Bahrami, Məhəmməd Məmmədov və Radik İsayev iştirak edirlər.