Tatyana Omelçenko: Daim 3-cü olmağım məni də bezdirib

Romada güləş üzrə Avropa çempionatında qadınlar çıxışlarını başa vurdular. Bu yarışda ardıcıl 4-cü bürünc medalını qazanan Tatyana Omelçenko (62 kq) allsport.az-a sevincini belə bölüşdü:

“Ardıcıl 4-cü qitə çempionatında 3-cü oldum. Məqsəd qoymuşdum ki, bu dəfə finala çıxım. Təəssüf ki, alınmadı. Amma söz, gələn yarışda çempion olacağam.

Düzü, daim 3-cü yer tutmağım məni də bezdirib. İndi hədəfim gələn ay Macarıstanda keçiriləcək lisenziya yarışıdır. Orda Tokio olimpiadasına vəsiqə qazanmağı qarşıma məqsəd qoymuşam”.

Kamran HACI, Roma