Teymur Məmmədov: Hədəfim yalnız finaldır

Sentyabrın 6-da Qətər paytaxtı Dohada boksçuların dünya çempionatı keçiriləcək. Allsport.az saytı xəbər verir ki, həmin yarışda Azərbaycan millisi də mübarizə aparacaq. Heyətdə yer alan titullu idmançı Teymur Məmmədovun (81 kq) hədəfi finaldır.

Sitat: «Mənim çıxış etdiyim çəkidə yalnız finalçılar Rio-2016-ya vəsiqə qazanacaq. Ona görə, döyüşlərdə diqqətli olmalı, enerjimi düzgün paylaşmalıyam».