Tovuz regional voleybol klubunda görüş

Azərbaycan voleybol federasiyasının (AVF) rəsmiləri Tovuz regional voleybol klubunda (TRVK) olublar.

Allsport.az saytı xəbər verir ki, AVF-nin vitse-prezidenti Bəhruz Quliyev və baş katib Faiq Orucov yeniyetmə və gənc voleybolçularla görüşüblər.

Toplantıda regional klubun rəhbəri Elçin Şabanov, federasiyanın və TRVK-nun digər əməkdaşları da iştirak ediblər.

AVF rəsmiləri Tovuz olimpiya idman kompleksində təşkil olunan məşqləri izləyiblər. Federasiya nümayəndələrinə klubun vəziyyəti və idmançılar üçün yaradılan şərait haqqında məlumat verilib.