Forgot Password New Account
Gəzən xəbər

Trekdə onlar fərqləndi

Velosiped idmanı
6 mart 2022 / 13:14 Baxış sayı: 194

Respublika velotrekində trek üzrə mövsümün açılış yarışı keçirilib. Allsport.az saytı xəbər verir ki, 5 mart – Bədən tərbiyəsi və idman gününə həsr edilmiş yarışda 50-yə yaxın idmançı iştirak edib.

Reqlamentə əsasən velosipedçilər əvvəlcə 2 km məsafəyə fərdi ötüşmə növündə mübarizə aparıblar. Qrup ötüşməsində isə qızlar 10, oğlanlar 20 km məsafə qət ediblər.

2 növün cəminə əsasən, qızlar arasında Radha Şabanova fəxri kürsünün ən yüksək pilləsinə qalxıb. Aybəniz Abbaszadə 2-ci, Məryəm Əfqanzadə 3-cü olub.

Oğlanlar arasında Əmral Abduləzizli ən yaxşı göstərici ilə 1-ci yeri tutub. Şahin Eyvazov və Aqşin Bağırlı isə müvafiq olaraq 2-3-cü nəticə göstəriblər. Qaliblər Azərbaycan Velosiped İdmanı Federasiyası tərəfindən medal, diplom və qiymətli hədiyyələrlə təltif ediliblər.

Həmin kateqoriyadan