U-23 cüdoçuların paytaxt birinciliyi başlayıb

“Sərhədçi” olimpiya idman mərkəzində U-23 cüdoçuların Bakı şəhər açıq birinciliyinə start verilib.

Allsport.az saytı xəbər verir ki, 2 gün davam edəcək yarışın ilk günündə qızlarda bütün, oğlanlarda 60 və 66 kq çəkilərdə qaliblər bilinəcək.

Cüdo federasiyası, Bakı şəhər Gənclər və İdman Baş İdarəsinin birgə təşkilatçılığı ilə keçirilən yarışda 30 klubdan 288 cüdoçu (254 oğlan, 34 qız) mübarizə aparır.