Ülviyyə yendi, Gövhər yenildi

İtaliyada şahmat festivalı davam edir. Allsport.az saytı xəbər verir ki, “A” turnirində çıxış edən Ülviyyə Fətəliyeva, 5-ci turda qələbə qazanıb. Hesabında xalların sayını 3,5-ə çatdıran təmsilçimiz, bu nəticə ilə 12-28-ci yerləri bölüşür.

Digər şahmatçımız Gövhər Beydullayeva isə komanda yoldaşından fərqli olaraq turun qarşılaşmasını məğlub başa vurub. O, 2,5 xalla 57-ci pillədədir.

“A” turnirində 30-u qrosmeyster olmaqla, 124 şahmatçı mübarizə aparır. İsveçrə sistemi üzrə keçirilən turnir 9 turdan ibarətdir.