Usta taekvondoçularımız G-2 kateqoriyalı turnirdən 5 medalla dönür

G-2 kateqoriyalı “DTF prezidentinin kuboku”nun son günündə taekvondoçulardan ibarət millimiz daha bir medal qazanıb. Allsport.az saytı xəbər verir ki, Səid Quliyev (74 kq) yarımfinalda məğlub olaraq, yarışı fəxri kürsün üçüncü pilləsində başa vurub.

Beləliklə, komandamız Almaniyanın Bonn şəhərində təşkil edilən və 1500 dayanq ustasının qatıldığı turnirdə 1 qızıl, 3 gümüş və 1 bürünc medala sahib olub.

Bizdən Milad Beigi Hərçəqani (80 kq) qızıl, Patimat Abakarova (53 kq), Məcid Sofiyev (54 kq) və Məhəmməd Məmmədov (63 kq) gümüş, Səid Quliyev (74 kq) bürünc medalla Vətənə dönür.