Voleybol yığmamız Belarusla öncə yoxlama, sonra rəsmi oyun keçirəcək

Dünən Belarusa yola düşən qadın millimiz artıq təlim-məşqlərə başlayıb. Allsport.az saytı xəbər verir ki, Qızıl liqaya son hazırlıq keçirən yığmamız tam heyətlə bir araya gəlib.

Minskdə voleybolçularımıza yeni məşqçi heyəti – Covanni Kaprara, onun köməkçiləri Marcello Cervellin (2-ci çalışdırıcı) və Matteo Scodro (fizioterapevt) qoşulublar. Bizdən Famil Ağayev və Oksana Qurd (menecer) var.

Komandamız Belarus millisi ilə 2 yoldaşlıq görüşü keçirəcək. 26 mayda Qızıl liqada ilk rəsmi oyununu məhz meydan sahibələrinə qarşı keçirəcək. Yığmanın heyəti:

Leyla Parshkova, Yana Əzimova, Nelli Salbishvili, Ayşən Abduləzimova, Anastasiya Bezsonova, Leysan Lyovkina, Samra Qafarova, Nurxan Kazımova, Ulyana Kərimova, Bəyaz Əliyeva, Marqarita Əzizova, Kseniya Pavlenko, Mariya Kirilyuk və Larisa Smeltsova.