“Vüqarla çox yaxın olmasaq da, onun xatirə turnirində iştirak etməyə bilməzdim”

Synergy Group-un təşkilatçılığı ilə keçirilən mərhum şahmatçımız Vüqar Həşimovun xatirəsinə həsr olunan ShamkirChess2015 turnirində iştirak edən sabiq dünya çempionu Vladimir Kramnik isə Rusiya millisinin heyətində olmadığını belə izah edib:

“Məndə də oxşar hadisə oldu. Fevralda artıq Şəmkirə gələcəyimə söz vermişdim. Sonradan federasiya rəhbərliyi milliyə dəvət etdi. Əvvəlcədən hər hansı bir turnir olacağı halda yığmada olmayacağımı demişdim. Fikrimcə, mənsiz də Rusiya yığması güclüdür.

Digər tərəfdən Şəmkirdəki turnir gözəl insan, güclü şahmatçı Vüqar Həşimovun xatirəsinə həsr olunub. Ötən il bu yarışda iştirak edə bilmədim. Amma bütün həmkarlarım təşkilatçılıq haqda xoş sözlər deyirdi. Vüqarla çox yaxın olmasaq da, onun xatirə turnirində iştirak etməyə bilməzdim”.

(ShamkirChess2015 mətbuat xidməti)