Millimizin məşqçisi Rusiyaya getdi

Azərbaycan milli komandasının baş məşqçisinin köməkçisi, oyunların analizi üzrə məşqçi Yanko Yankoviç Rusiyanın Sankt-Peterburq şəhərinə gedib. Allsport.az xəbər verir ki, o, FIFA-nın 1-ci vitse-prezidenti Valentin Qranatkinin xatirəsinə həsr olunmuş 27-ci ənənəvi beynəlxalq turnirdə 1997-ci il təvəllüdlü futbolçulardan ibarət Azərbaycan yığmasının oyunlarını izləmək və milli komandanın məşqçilər korpusuna müvafiq məlumatlar vermək məqsədilə qonşu ölkəyə yollanıb.

Qeyd edək ki, Azərbaycan millisi bu turnirdəki ilk oyununda Yaponiyaya 1:0 hesabıyla qalib gəlib.