Zaur Hacıyevə növbəti təyinat

Avropa voleybol konfederasiyası beynəlxalq dərəcəli hakim Zaur Hacıyevə növbəti təyinat göndərib.

Allsport.az xəbər verir ki, təmsilçimiz bu dəfə qadın voleybolçular arasında keçirilən CEV kubokunun 1/16 final mərhələsində “Dinamo” (Qazan, Rusiya) – “Potsdam” (Almaniya) arasında keçiriləcək cavab görüşündə ikinci hakim funksiyasını yerinə yetirəcək.

Dekabrın 18-də Kazanda baş tutacaq oyunda əsas referi isə türkiyəli Bülənt Bozkurt olacaq.