18 yaşlı xokkeyçi tarixə keçdi

NHL-də müntəzəm mövsümün növbəti matçında “Minnesota Uayld” və “San Xose Şarks” üz-üzə gəlib.

Allsport.az xəbər verir ki, görüş Minnesota təmsilçisinin 8:7 hesablı qələbəsi ilə bitib.

“San Xose”nin hücumçusu Maklin Selebrini bu oyunda üç qol vurub və iki məhsuldar ötürmə edib. Bu, kanadalını NHL tarixində 18 yaşında bir oyunda 5 xal toplayan altıncı oyunçu edib.

Maklindən əvvəl yalnız Cek Həmilton (1943), Deyl Haverçuk (1982), İlya Kovalçuk (2002), Rayan Nügent-Hopkins (2011) və Konnor Bedard (2024) buna nail olublar.