5 boksçu finalda

Bu gün III MDB oyunları çərçivəsində Yevlax olimpiya idman kompleksində boks yarışlarında yarımfinal döyüşləri keçirilib.

Allsport.az xəbər verir ki, azərbaycanlı boksçu Qardaş Rəhimov (46 kq) tacikistanlı Dəmir Nəzərova qalib gələrək (3:2) finala çıxıb.

60 kiloqram çəki dərəcəsində yarımfinalda mübarizə aparan digər boksçumuz Şahin Aslanov rusiyalı Dmitriy Klyuşnikovdan üstün olub – 4:1.

Daha bir azərbaycanlı boksçu Səfdər Məmmədzadə (+80 kq) qazaxıstanlı Yerketanq Jarkınbeka qalib gələrək (5:0) finala vəsiqəni təmin edib.

Əli Əliyev (48 kq) isə digər qazxıstan təmsilçisi Baltin Korqanbekə üstün olub – 3:2.

Digər yarımfinal görüşündə azərbaycanlı idmançı Əli Abaslı (52 kq) türkmənistanlı Xangəldi Loğmanova qalib gəlib – 5:0.

Beləliklə, Azərbaycanın 5 boksçusu finala vəsiqə qazanıb.