6 oyunçuda yüksək hərarətə görə matç təxirə salındı

Bu gün kişi voleybolçular arasında Azərbaycan çempionatında keçirilməsi nəzərdə tutulan “Xarı Bülbül Laçın” – “Neftçi” baş tutmayacaq.

Allsport.az, buna “ağ-qaralar”ın oyunçuların səhhətində problem yaranması səbəb olub.

AVF-yə müraciət edən “Neftçi” komandanın 6 voleybolçusunda – Emin Abdullayev, Milad Salehi, Abdollah Azmoun, Mohammad Norouzi, Mohammad Abolhasanı və Mohsen Vazehidə yüksək hərarətin (diaqnoz- kəskin respirator xəstəlik, KRX) olduğunu bildirilib. Yarışın təşkilatçısı vəziyyəti nəzərə alaraq görüşün təxirə salınmasına qərar verib.

Matçın nə vaxt keçiriləcəyi ilə bağlı əlavə məlumat veriləcək.