Boksçumuz mundialı bürünc medalla başa vurub

Qadın boksçular arasında Hindistanın paytaxtı Yeni Dehlidə dünya çempionatında yarımfinal mərhələsi yekunlaşıb. Allsport.az xəbər verir ki, bu mərhələdə Azərbaycan millisinin boksçusu Aynur Rzayeva da rinqə çıxıb.

81 kq çəkidə çıxış edən yığma üzvü qazaxıstanlı Ləzzət Kunqəybəyeva ilə üz-üzə gəlib. Görüşdə rəqib qələbə qazandığından finala yüksəlib. Rzayeva isə mundialı bürünc medalla başa vurub.

2,4 milyon ABŞ dolları mükafat fondu olan dünya çempionatının final döyüşləri martın 25-də və 26-da keçiriləcək. 65 ölkədən 300-dən artıq boksçunun qatıldığı yarışın qalibi 100 min, finalçısı 50 min, bürünc medalçısı 25 min dollar qazanacaq.