Avro-2023-ün seçməsində qruplar müəyyənləşib

Kişi və qadın voleybolçuların Avro-2023-ün seçməsinin qrupları müəyyənləşib. Allsport.az saytı xəbər verir ki, AVK-in son reytinq cədvəlinə əsasən Azərbaycan komandalarının rəqibləri bəlli olub.

Kişilər “A” qrupunda mübarizə aparacaq. Rəqiblər – Türkiyə və Danimarka milliləri olacaq. Yarışda 26 komanda 7 qrupa bölünüb. Ən güclülər və 5 ən yaxşı 2-ci yerin sahibi final mərhələsində iştirak hüququ qazanacaq.

Qadınlar ələmədə Sloveniya, Gürcüstan və Avstriya yığmaları ilə birgə “D” qrupunda yer alacaq.Burada 24 komanda 6 qrupa bölünüb. Qrupda 1-ci və 2-ci yeri tutanlar final mərhələsinə yüksələcək.

Avropa çempionatının həlledici mərhələsini hansı ölkədə keçiriləcəyi hələ açıqlanmayıb. Seçmə mərhələnin görüşləri avqust – sentyabrda olacaq.