Azərbaycan cüdoçuları Avstriyada beynəlxalq təlim-məşq toplaşında

Avstriyanın Mittersill şəhərində cüdo üzrə ənənəvi beynəlxalq təlim-məşq keçirilir.

Allsport.az saytı xəbər verir ki, toplanışda dünyanın 52 ölkəsinin idmançıları iştirak edir. Hazırlığa bu dəfə də olimpiya, dünya, qitə çempionatlarının mükafatçıları, onların məşqçiləri qatılıblar.

Millimiz baş məşqçi Ruslan Maşurenkonun rəhbərliyi ilə gündə 2 dəfə çalışır. Beynəlxalq təlim-məşq yanvarın 15-dək davam edəcək. Sonra tatami ustalarımız reytinq xalı verən yarışlara qatılacaqlar.