Azərbaycan yığması 10-cu pillədəki yerini qoruyub

Milli komandaların yeni reytinq cədvəli açıqlanıb. Allsport.az saytı xəbər verir ki, Azərbaycan futzalçıları 10-cu pillədəki yerini qoruyublar. Bizim hesabda 1411 reytinq xalı var.

Ötən gün dünya çempionatına vəsiqə uğrunda Niderlandla cavab pley-off matçına çıxan komandamız meydandan 4:4 hesablı heç-heçə ilə ayrıldı.

İlk oyunda 5:1 hesabıyla qalib gəlmiş millimiz tarixində ilk dəfə final mərhələsinə vəsiqə qazandı. Lakin göründüyü kimi, bu uğur komandamızın reytinq siyahısındakı mövqeyinə heç bir təsir göstərməyib.