Futzalçılarımız qələbə ilə başladı

Futzal üzrə Azərbaycan millisi Səudiyyə Ərəbistanının paytaxtı Ər-Riyadda təşkil olunan VI İslam həmrəyliyi oyunlarında ilk görüşünü keçirib.

Allsport.az saytı xəbər verir ki, Liviya yığması ilə matç komandamızın 5:4 hesablı qələbəsi ilə başa çatıb. Bizdən Fərid Abbasov het-trik, Mirzə Əmirov dubl edib.

Futzalçılarımız növbəti oyununu noyabrın 6-da Özbəkistan yığmasına qarşı keçirəcək.

Oyunu izləyənlər arasında İslam həmrəyliyi idman assosiasiyası (İSSA) əlaqələndirici komissiyasının rəhbəri Könül Nurullayeva da olub.