“Bakı” bəyanat yaydı

Azərbaycan Premyer Liqasının 19-cu turu çərçivəsində keçirilən “Bakı” – “Qəbələ” matçından sonra xoşagəlməz hadisə baş verib. Allsport.az xəbər verir ki, qonaqların futbolçusu Cavid Hüseynovla “Bakı” azarkeşləri arasında mübahisə yaranıb. Artıq paytaxt klubu bununla bağlı bəyanat yayıb. Bəyanatda bildirilir:

“Bakı” Futbol Klubu bəyan edir ki, azarkeşlər ilə futbolçular arasında münasibətlərin bu həddə çatması yolverilməzdir və gələcəkdə hər iki tərəfi daha təmkinli olmağa dəvət edirik. Hər birimizin bir məqsədi olmalıdır – Azərbaycan futbolunun inkişafı yolunda sıx birləşib əlimizdən gələn heç bir işi əsirgəməmək”.