“Bu nəticə kimlər üçün sensasiya olsa da, bizə görə çəkilən zəhmətin bəhrəsidir”

Yüksək liqanın 7-ci turunda “Neftçi” idman klubu “Araz-Naxçıvan”ı 6:3 məğlub edib. “Ağ-qaralar”ın oyun qurucusu Fərid Atakişiyev qələbə sevincini allsport.az saytı ilə bölüşüb:

“Biz hazırda yaxşi formadayıq. Məşqçilər heyəti komandanı yüksək səviyyədə hazırlamagı bacarıb. Mövsüm başından bu nəticə kimlər üçün sensasiya olsa da, bizə görə çəkilən zəhmətin bəhrəsidir.

Hamıya məlumdur ki, “Neftçi” idman klubunun rəhbəri Sadıq Sadıqov hansı idman növünün başında olmağından asılı olmayaraq, daima yüksək nəticələr üçün çalışıb. Futzal komandan da qarşısına yüksək nəticələr qoyulub”.