Cəlil Cəfərov qitə voleybol konfederasiyasının idarə heyətinə üzv seçilib

Azərbaycan voleybol federasiyasının baş katibi Cəlil Cəfərov qitə voleybol konfederasiyasının idarə heyətinə üzv seçilib. Allsport.az saytı xəbər verir ki, bu, Avstriya paytaxtı Vyanada 41-ci baş assambleya çərçivəsində baş tutan prezident seçkilərindən sonra rəsmiləşib.

8 namizədin iştirak etdiyi 2-ci mərhələdə 25 səs toplayan AVF-nin baş katibi istəyinə çatıb. O, həlledici etapda CEV prezidentliyinə namizədliyini irəli sürmüş estoniyalı Hanno Pevkura 12 səs fərqi ilə qalib gələrək, ilk dəfə CEV idarə heyətində üzvlüyünü rəsmiləşdirib.